Sunday, June 21, 2009

Ang Mayabang na Hipon

Sama-samang naglalaro ang mga batang isda sa ilalim ng tubig ng umagang iyon. Naglulukso-lukso, nag iikot-ikot at ang iba naman ay nag kukwentuhan. Msayang masaya ang mga batang lamang dagat.Ng biglang dumating si Mayabang na Hipon, Naghintuan ang mga bata at animo'y mga takot na takot.

"Ayan na si Hipon umuwi na tayo, guguluhin lang nyan ang ginagawa nating pag lalaro." Sabi ng isang Maliit na Dilis.

"Naku oo nga halinat baka awayin pa tayu nyan." Sabat naman ng batang karpa.

Narinig iyon ng Mayabang na Hipon at nag salita.

"Anung pinag uusapan ninyo dyan ha?!" Pasigaw nitong wika.

"Naku wala uuwi na kami" Sabay na sabi ng dalawa.

Araw araw nag lalaro ang mga batang lamang dagat sa kanilang lugar. At araw araw din nang gugulo ang kaaway nilang si Hipon.

Isang araw habang lumalangoy si Batang Bangus ay bigla na lamang syang tinusok ni Hipon.

"Hahaha humaharang ka kasi sa dinaraanan ko ayan ang bagay sayo!." Wika nito sabay alis.

Naiwan nlang ang Bnagus na umiiyak.

"Wala na talagang ibang ginawa si Hipon kundi ang manakit ng mga kapwa nya bata." Sambit ng inay na bangus ng magsumbong ito dito.

"Hayaan mo anak , wala naman syang kaibigan na katulad mo , madming nakikipag laro sayo. Hindi tulad nya." Paamong pag sabi ng inang bangus sa kanyang anak.

Lumipas ang mga araw at ni isa walang walang ginawang mabuti si Hipon sa kanyang kapwa mga bata. Nasa palaruan ang mga ito ng may biglang mangingisda ang nag hagis ng lambat. Mabilis na nag sipag langoy ang mga isda upang hndi sila tamaan nito. Subalit hindi umalis ang Hipon kundi nagmayabang pa ito.

"Haha!" Tawang malakas ng Mayabang na Hipon "Kaya kong sirain ang lambat na ito sa pamamagitan ng aking mga panusok!" Dugtong niya.

"Umalis kana dyan Hipon. Hindi mo masisira ang lambat na iyan, matibay yan at hindi nasisira!" Nag aalalang sabi ng isang batang isda na nakalayo sa lambat.

Subalit hindi pa rin nag paawat ang Mayabang na Hipon pinipilit nyang sirain ang lambat. Hanggang sa tumaas na ito. At nag sisigaw na ang bata.

"Tulungan nyo ako! Tulungan nyo ako." Pag mamakaawa ng Hipon.Pinilit nyang makalabas mula roon, subalit wala na syang nagawa.

Nalungkot ang mga isda ng hindi na nila makita ang Hipon, dahil sa pag alis ng mangingisda. Wala silang nagawa kundi ang panuorin nalang kung panu ito nawala.

Naging aral ito sa ibang mga batang isda na nais gayahin ang pagiging mayabang ni hipon. Sa ngayon hindi na alam kung bakit hindi na nakabalik ang Mayabang na Hipon sa kanilang lugar sa ilalim ng dagat.

0 comments:

Post a Comment